ನೈರೋಬಿ: ನೈರೋಬಿಗೆ ಹೊರಟಿದ್ದ ಇಥಿಯೋಪಿಯಾ ಏರ್ಲೈನ್ಸ್ನ ವಿಮಾನ ಪತನಗೊಂಡಿದ್ದು, 149 ಪ್ರಯಾಣಿಕರು ಹಾಗೂ 8 ಮಂದಿ ವಿಮಾನ ಸಿಬ್ಬಂದಿ ಮೃತಪಟ್ಟಿದ್ದಾರೆ.
ಅಡ್ಡೀಸ್ ಅಬಾಬಾದಿಂದ ಬೆಳಗ್ಗೆ 8.38ಕ್ಕೆ ಹಾರಾಟ ಆರಂಭಿಸಿದ್ದ ಬೋಯಿಂಗ್ 737 ವಿಮಾನ 6 ನಿಮಿಷಗಳಲ್ಲಿ ಪತನಗೊಂಡಿದೆ ಎಂದು ತಿಳಿದುಬಂದಿದೆ.
ವಿಮಾನ ಪತನವಾಗಲು ಕಾರಣ ಏನೆಂಬುದು ಸ್ಪಷ್ಟವಾಗಿಲ್ಲ. ಸದ್ಯ ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗಿದೆ. ಅಪಘಾತದಲ್ಲಿ ಬದುಕುಳಿದಿರುವವರಿಗಾಗಿ ಶೋಧ ಕಾರ್ಯಾಚರಣೆ ನಡೆದಿದೆ ಎಂದು ಇಥಿಯೋಪಿಯಾ ಏರ್ಲೈನ್ಸ್ನ ಅಧಿಕಾರಿಗಳು ತಿಳಿಸಿದ್ದಾರೆ.
ಇಥಿಯೋಪಿಯಾದ ಪ್ರಧಾನಿ ಅಭಿ ಅಹ್ಮದ್ ಅಪಘಾತದ ಬಗ್ಗೆ ಟ್ವಿಟರ್ನಲ್ಲಿ ವಿಷಾದ ವ್ಯಕ್ತಪಡಿಸಿದ್ದು, ಮೃತ ಕುಟುಂಬದವರಿಗೆ ಸಾಂತ್ವನ ಹೇಳಿದ್ದಾರೆ.
All 157 On Board Killed In Ethiopian Airlines Crash
