ಇಸ್ಲಾಮಾಬಾದ್: ಅಮೆರಿಕಾದ ವಿರುದ್ಧ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಹರಿಹಾಯ್ದಿದ್ದಾರೆ. ಇಸ್ಲಾಮಿಕ್ ದೇಶವನ್ನು ಒಂದು ಬಾಡಿಗೆ ಗನ್‍ನಂತೆ ಕಾಣುವುದನ್ನು ಅಮೆರಿಕಾ ಮುಂದುವರೆಸಿದರೆ ಆ ಸಂಬಂಧಕ್ಕೆ ಮನ್ನಣೆ ನೀಡುವುದಿಲ್ಲ ಎಂದು ತೀಕ್ಷ್ಣ ತಿರುಗೇಟು ನೀಡಿದ್ದಾರೆ.
ಪ್ರಧಾನಿಯಾದ ಬಳಿಕ ಮೊದಲು ವಿದೇಶಿ ಮಾಧ್ಯಮಕ್ಕೆ ಸಂದರ್ಶನ ನೀಡಿರುವ ಅವರು, ಇಸ್ಲಾಮಾಬಾದï ಇನ್ನು ಹಣ ಪಡೆದು ಯಾರ ವಿರುದ್ಧವೂ ಯುದ್ಧ ಮಾಡುವುದಿಲ್ಲ. ಈ ನಿರ್ಧಾರ ಪ್ರಾಣಹಾನಿಯ ಕಾರಣದಿಂದ ಮಾತ್ರವಲ್ಲ, ದೇಶದ ಘನತೆಯ ದೃಷ್ಟಿಯಿಂದ ಎಂದು ಹೇಳಿದ್ದಾರೆ.
ಬಾಡಿಗೆ ಗನ್‍ನಂತೆ ನಮ್ಮನ್ನು ಬಳಸಿಕೊಳ್ಳುವ ಸಂಬಂಧ ನಮಗೆ ಬೇಕಿಲ್ಲ. ನಾವು ಮತ್ತೆ ಆ ಮಟ್ಟಕ್ಕೆ ಇಳಿಯುವುದಿಲ್ಲ. ಅಮೆರಿಕಾದೊಂದಿಗೆ ಉತ್ತಮ ಸಂಬಂಧವನ್ನ್ನು ಬಯಸುತ್ತೇವೆ ಎಂದಿದ್ದಾರೆ.
ಪಾಕ್‍ನ ಭಯೋತ್ಪಾದನೆ ಕುರಿತಾಗಿ ಅಮೆರಿಕಾ ಮಾಡಿರುವ ಆರೋಪಗಳನ್ನು ಅವರು ತಳ್ಳಿಹಾಕಿದ್ದಾರೆ. ಪಾಕ್‍ಗೆ ಹಣ ನೀಡಿ ಅಮೆರಿಕಾ ಭಯೋತ್ಪಾದನಾ ಚಟುವಟಿಕೆಗಳಿಗೆ ಕುಮ್ಮಕ್ಕು ನೀಡುತ್ತಿದೆ ಎಂಬುದನ್ನು ಪ್ರಧಾನಿ ಬಹಿರಂಗವಾಗಿ ಹೊರಹಾಕಿದ್ದಾರೆ.
