ವಿಶ್ವದ ಅತಿ ಉದ್ದದ ಸಾಗರದ ಮೇಲಿನ ಚೀನಾ ಸೇತುವೆ ಲೋಕಾರ್ಪಣೆ

ಹಾಂಗ್​ಕಾಂಗ್​: ವಿಶ್ವದ ಅತಿ ಉದ್ದದ ಸಾಗರದ ಮೇಲಿನ ತಿರುವು ಸೇತುವೆ ಎಂದೇ ಪ್ರಖ್ಯಾತವಾದ ಹಾಂಗ್​ಕಾಂಗ್​ -ಝಹೈ -ಮಕೊಯ್ ಮಾರ್ಗದ ಸೇತುವೆ ಇಂದು ಲೋಕಾರ್ಪಣೆಗೊಳ್ಳಲಿದೆ.

ದಕ್ಷಿಣ ಚೀನಾದ ಪರ್ಲ್​ ರಿವರ್​ ಡೆಲ್ಟಾದ ಪೂರ್ವ ಹಾಗೂ ಪಶ್ಚಿವ ಭಾಗಗಳನ್ನು ಸಂಪರ್ಕಿಸುವ ಈ ಸೇತುವೆ 55 ಕಿ.ಮೀ. ಉದ್ದವಿದೆ. ನಾಳೆ ವಾಹನಗಳ ಸಾಗಾಟಕ್ಕೆ ತೆರೆದುಕೊಳ್ಳಲಿದ್ದು, ಹಾಂಗ್​ಕಾಂಗ್​ ಹಾಗೂ ಝಹೈಯ ನಡುವಿನ ಅಂತರವನ್ನು 4 ಗಂಟೆಯಿಂದ ಕೇವಲ 45 ನಿಮಷಕ್ಕೆ ಕಡಿತಗೊಳಿಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವಿಶ್ವದ ಅತಿ ಉದ್ದದ ಸೇತುವೆಯನ್ನು ಬೀಜಿಂಗ್​ನ ಗ್ರೇಟರ್​ ಬೇ ಏರಿಯಾ ಯೋಜನೆಯಡಿ ನಿರ್ಮಿಸಲಾಗಿದೆ. ಈ ಮೂಲಕ ಗೌಂಗ್​ಡೊಂಗ್​ ಅನ್ನು ಉತ್ತರ ವ್ಯಾಪಾರಿ ತಾಣವನ್ನಾಗಿ ಮಾಡುವ ಗುರಿ ಹೊಂದಲಾಗಿದೆ. 2030ರ ವೇಳೆಗೆ ಪ್ರತಿದಿನ  29,000 ವಾಹನಗಳು ಹಾಗೂ 126,000 ಸವಾರರು ಈ ಸೇತುವೆ ಮೂಲಕ ಸಾಗಿಹೋಗಲಿದ್ದಾರೆ ಎಂದು ಅಂದಾಜಿಸಲಾಗಿದೆ.
ಬೃಹತ್​ ಸೇತುವೆಯು 11 ನಗರಗಳು ಸೇರಿ  ಗ್ರೇಟರ್​ ಬೆ ಏರಿಯಾವನ್ನು ಶೀಘ್ರವಾಗಿ ಸಂಪರ್ಕಿಸಲು ಸಹಾಯಕವಾಗಿದೆ. ಚೀನಾ, ಮಕೌ ಹಾಗೂ ಹಾಂಗ್​ಕಾಂಗ್​ ನಡುವಿನ ಪ್ರಯಾಣ ಸಮಯವನ್ನು ಕಡಿಮೆ ಮಾಡಲಿದೆ. ದಿನವೊಂದಕ್ಕೆ ಸುಮಾರು 40,000 ವಾಹನಗಳು ಸೇತುವೆ ಮೂಲಕ ಸಾಗುವ ನಿರೀಕ್ಷೆ ಇದೆ.