ನವದೆಹಲಿ: ಭಾರತದ ವಿದೇಶಿ ವಿನಿಮಯ ಮೀಸಲು ಸೆಪ್ಟೆಂಬರ್ ತಿಂಗಳಾಂತ್ಯಕ್ಕೆ 1.26 ಬಿಲಿಯನ್ ಡಾಲರ್ ಕುಸಿತ ಕಂಡಿದೆ.
ಆರ್ ಬಿಐ ಬಿಡುಗಡೆ ಮಾಡಿರುವ ಅಂಕಿ ಅಂಶಗಳ ಪ್ರಕಾರ ಒಟ್ಟಾರೆ ವಿದೇಶಿ ವಿನಿಮಯ ಮೀಸಲು 401.79 ಬಿಲಿಯನ್ ಡಾಲರ್ ನಿಂದ $400.52 ಬಿಲಿಯನ್ ಗೆ ಕುಸಿದಿದೆ. ಫಾರಿನ್ ಕರೆನ್ಸಿ ಅಸೆಟ್ಸ್(ಎಫ್ ಸಿಎ) ಚಿನ್ನದ ಮೀಸಲು, ವಿಶೇಷ ಹಿಂತೆಗೆತ ಅಧಿಕಾರ (ಎಸ್ ಡಿ ಆರ್ ) ಹಾಗೂ ಐಎಂಎಫ್ ನಲ್ಲಿ ಆರ್ ಬಿಐ ನ ಸ್ಥಿತಿ ಎಲ್ಲವೂ ವಿದೇಶಿ ವಿನಿಮಯವನ್ನು ನಿರ್ಧರಿಸುವ ಅಂಶಗಳಾಗಿವೆ.
ಇನ್ನು ಇದೇ ವೇಳೆ ದೇಶದ ಚಿನ್ನದ ಮೀಸಲು ಸಹ ಇಳಿಕೆಯಾಗಿದ್ದು, 70.7 ಮಿಲಿಯನ್ ಡಾಲರ್ ಇಳಿಕೆಯಾಗಿದ್ದು, 20.34 ಬಿಲಿಯನ್ ಡಾಲರ್ ಗೆ ಕುಸಿದಿದೆ.
