ಅಬುಧಾಬಿ: ಮುಷ್ಫೀಕುರ್ ರೆಹಮಾನ್ ಅವರ ಅರ್ಧ ಶತಕ ಮತ್ತು ಮುಷ್ತಾಫಿಜುರ್ ರೆಹಮಾನ್ ಅವರ ಮಾರಕ ದಾಳಿಯ ನೆರೆವಿನಿಂದ ಬಾಂಗ್ಲಾದೇಶ ತಂಡ ಪಾಕಿಸ್ತಾನ ವಿರುದ್ಧ 37 ರನ್‍ಗಳ ಭರ್ಜರಿ ಗೆಲುವು ದಾಖಲಿಸಿ ಏಷ್ಯಾಕಪ್‍ನ ಫೈನಲ್ ತಲುಪಿತು. ಈ ಸೋಲಿನೊಂದಿಗೆ ಪಾಕಿಸ್ತಾನ ಟೂರ್ನಿಯಿಂದ ಹೊರ ಬಿದ್ದಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಬಾಂಗ್ಲಾದೇಶ ತಂಡ ಅರಂಭಿಕ ಆಘಾತ ಅನುಭವಿಸಿದ ಹೊರತಾಗಿಯೂ ಮುಷ್ಫೀಕುರ್ ರಹೀಂ 99 ರನ್ ಬಾರಿಸಿ ಶತಕ ವಂಚಿತರಾದರು. ಇವರಿಗೆ ಉತ್ತಮ ಸಾಥ್ ನೀಡಿದ ಮೊಹ್ಮದ್ ಮಿಥುನ್(60) ಅರ್ಧ ಶತಕ ಬಾರಿಸಿ ತಂಡದ ಮೊತ್ತ ಹೆಚ್ಚಿಸಿದ್ರು. ಪಾಕ್ ಪರ ಜೂನೈದ್ ಖಾನ್ 4 ವಿಕೆಟ್ ಪಡೆದ್ರು. ಬಾಂಗ್ಲಾ 48.5 ಓವರ್‍ಗಳಲ್ಲಿ 239 ರನ್‍ಗಳಿಗೆ ಆಲೌಟ್ ಆಯಿತು.
240 ರನ್‍ಗಳ ಸುಲಭ ಮೊತ್ತ ಬೆನ್ನತ್ತಿದ ಪಾಕಿಸ್ತಾನ ತಂಡ ಆರಂಭದಲ್ಲೆ ಆಘಾತಗಳ ಮೇಲೆ ಆಘಾತ ಅನುಭವಿಸಿ ಸೋಲಿನ ಸುಳಿಯಲ್ಲಿ ಸಿಲುಕಿತು ತಂಡದ ಪರ ಓಪನರ್ ಇಮಾಮ್-ಉಲ್-ಹಕ್ ಏಕಾಂಗಿ ಹೋರಾಟ ನಡೆಸಿ 83, ಅಸೀಫ್ ಅಲಿ 31, ಶೋಯೆಬ್ ಮಲ್ಲಿಕ್ 30 ರನ್‍ಗಳಿಸಿದ್ದುಬಿಟ್ಟರೆ ತಂಡದ ಬೇರ್ಯಾವ ಬ್ಯಾಟ್ಸ್‍ಮನ್‍ಗಳು 10 ರನ್‍ಗಳ ಗಡಿ ದಾಟಲಿಲ್ಲ. ಕೊನೆಗೆ ಪಾಕಿಸ್ತಾನ ತಂಡ ನಿಗದಿತ ಓವರ್‍ನಲ್ಲಿ 9 ವಿಕೆಟ್ ನಷ್ಟಕ್ಕೆ 202 ರನ್‍ಗಳಿಗೆ ತೃಪ್ತಿ ಪಡಬೇಕಾಯಿತು.
