ಓವೆಲ್: ನಾಲ್ಕನೆ ದಿನ ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡರಲ್ಲೂ ಮಿಂಚಿದ ಆಂಗ್ಲರು ಐದನೆ ಮತ್ತು ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಕೊಹ್ಲಿ ಪಡೆ ವಿರುದ್ಧ ಬಿಗಿ ಹಿಡಿತ ಸಾಧಿಸಿದ್ದಾರೆ. ಇಂದು ನಡೆಯುವ ಕೊನೆಯ ದಿನದಾಟದ ಪಂದ್ಯ ರೋಚಕತೆಯಿಂದ ಕೂಡಿದೆ.
ನಾಲ್ಕನೆ ದಿನದಾಟದ ಪಂದ್ಯದಲ್ಲಿ 464 ರನ್‍ಗಳ ಗುರಿ ಬೆನ್ನತ್ತಿದ ಭಾರತ ತಂಡ ಆರಂಭಿಕ ಬ್ಯಾಟ್ಸ್ ಮನ್ ಶಿಖರ್ ಧವನ್, ಚೇತೇಶ್ವರ ಪೂಜಾರ ಮತ್ತು ನಾಯಕ ವಿರಾಟ್ ಕೊಹ್ಲಿ ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತ ಅನುಭವಿಸಿತು. ಆದರೆ ಅಜಿಂಕ್ಯ ರಹಾನೆ ಮತ್ತು ಕೆ.ಎಲ್. ರಾಹುಲ್ ಎಚ್ಚರಿಕೆಯ ಬ್ಯಾಟಿಂಗ್ ಮಾಡಿ ಐದನೆ ದಿನಕ್ಕೆ ಕ್ರೀಸ್ ಕಾಯ್ದಕೊಂಡರು. ದಿನದಾಟದ ಅಂತ್ಯಕ್ಕೆ 3 ವಿಕೆಟ್ ನಷ್ಟಕ್ಕೆ 58 ರನ್‍ಗಳಿಸಿತು.
ಇದಕ್ಕೂ ಮುನ್ನ ಆಲಿಸ್ಟರ್ ಕುಕ್(147) ಮತ್ತು ಜೋ ರೂಟ್ (125)ರನ್ ಗಳಿಸಿ ಕೊನೆಯಲ್ಲಿ ಇಂಗ್ಲೆಂಡ್ 8 ವಿಕೆಟ್ ನಷ್ಟಕ್ಕೆ 423 ರನ್ ಗಳಿಸಿತು. ಒಟ್ಟು 404 ರನ್‍ಗಳ ಮುನ್ನಡೆಯೊಂದಿಗೆ 464 ರನ್‍ಟಾರ್ಗೆಟ್ ನೀಡಿತು.
