ಮೊಬೈಲ್ ಸುಲಿಗೆ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಮೂರು ಮೊಬೈಲ್ ದೋಚಿರುವ ಪ್ರಕರಣಗಳು ವರದಿಯಾಗಿವೆ

ಬೆಂಗಳೂರು, ಸೆ.8- ನಗರದಲ್ಲಿ ಇತ್ತೀಚೆಗೆ ಮೊಬೈಲ್ ಸುಲಿಗೆ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ಮೂರು ಮೊಬೈಲ್ ದೋಚಿರುವ ಪ್ರಕರಣಗಳು ವರದಿಯಾಗಿವೆ.
ವಿಜಯನಗರದ ಎಂ.ಸಿ.ಲೇಔಟ್‍ನಲ್ಲಿ ಅಭಿಲಾಷ್ ಎಂಬುವವರು ಮೊನ್ನೆ ರಾತ್ರಿ 9.45ರಲ್ಲಿ ನಡೆದು ಹೋಗುತ್ತಿದ್ದಾಗ ಬೈಕ್‍ನಲ್ಲಿ ಬಂದ ಇಬ್ಬರು ದರೋಡೆಕೋರರು ಇವರ ಕೈಯಲ್ಲಿದ್ದ ದುಬಾರಿ ಬೆಲೆಯ ಮೊಬೈಲ್ ಕಸಿದು ಪರಾರಿಯಾಗಿದ್ದಾರೆ.
ಅನ್ನಪೂರ್ಣೇಶ್ವರಿ ನಗರದ ಮಾಳಗಾಳ ಮುಖ್ಯರಸ್ತೆಯ ರಾಮಕೃಷ್ಣ ಲೇಔಟ್ ಮೂಲಕ ಸಂಜೆ 6.25ರಲ್ಲಿ ಯೋಗೇಶ್‍ಕುಮಾರ್ ಎಂಬುವವರು ಮೊಬೈಲ್‍ನಲ್ಲಿ ಮಾತನಾಡುತ್ತಾ ಹೋಗುತ್ತಿದ್ದಾಗ ಹಿಂದಿನಿಂದ ಬಂದ ಸುಲಿಗೆಕೋರ ಇವರ ಕೈಯಲ್ಲಿದ್ದ 22 ಸಾವಿರ ಬೆಲೆಯ ಮೊಬೈಲ್ ಕಸಿದು ಪರಾರಿಯಾಗಿದ್ದಾನೆ.
ಮತ್ತೊಂದು ಪ್ರಕರಣದಲ್ಲಿ ಕಬ್ಬನ್‍ಪಾರ್ಕ್ ವ್ಯಾಪ್ತಿಯಲ್ಲಿ ರವೀಂದ್ರನಾಥ್ ಎಂಬುವವರು ಇಂದು ಬೆಳಗ್ಗೆ 4.30ರ ಸಮಯದಲ್ಲಿ ನಡೆದು ಹೋಗುತ್ತಿದ್ದಾಗ ದರೋಡೆಕೋರ ಇವರ ಮೊಬೈಲ್ ಕಿತ್ತುಕೊಂಡು ಪರಾರಿಯಾಗಿದ್ದಾನೆ.
ಈ ಮೂರು ಪ್ರಕರಣಗಳನ್ನು ಆಯಾ ಠಾಣೆ ಪೆÇಲೀಸರು ದಾಖಲಿಸಿಕೊಂಡು ಸುಲಿಗೆಕೋರರಿಗೆ ಶೋಧಕೈಗೊಂಡಿದ್ದಾರೆ.