ಓವೆಲ್: ಮುಂಬರುವ ಏಷ್ಯಕಪ್‍ಗೆ ಕನ್ನಡಿಗ ಮಯಾಂಕ್ ಅಗರ್‍ವಾಲ್‍ಗೆ ತಂಡದಲ್ಲಿ ಅವಕಾಶ ನೀಡದ ಆಯ್ಕೆಗಾರರ ಬಗ್ಗೆ ಟೀಂ ಇಂಡಿಯಾದ ಆಫ್ ಸ್ಪಿನ್ನರ್ ಹರ್ಭಜನ್ ಸಿಂಗ್ ಟ್ವಿಟರ್‍ನಲ್ಲಿ ಕಿಡಿಕಾರಿದ್ದಾರೆ.
ಮಯಾಂಕ್ ಅಗರ್‍ವಾಲ್‍ಗೆ ಅವಕಾಶ ನೀಡದ ಆಯ್ಕೆಮಂಡಳಿಯ ನಿರ್ಧಾರ ಅಚ್ಚರಿ ತಂದಿದೆ ಎಂದಿರುವ ಭಜ್ಜಿ ಮಯಾಂಕ್ ಅಗರ್‍ವಾಲ್ ಎಲ್ಲಿ ? ಅಷ್ಟೊಂದು ರನ್ ಗಳಿಸಿದ ಮೇಲೂ ಆದರೂ ತಂಡದಲ್ಲಿ ಕಾಣಿಸುತ್ತಿಲ್ಲ. ನಾನು ಅಂದುಕೊಂಡಂತೆ ವಿಭಿನ್ನ ಜನರಿಗೆ ವಿಭಿನ್ನ ನೀತಿ ನಿಯಮಗಳು ಎಂದು ಟ್ವೀಟರ್‍ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಕಳೆದ 10-12 ತಿಂಗಳಿನಿಂದ ಮಯಾಂಕ್ ಚೆನ್ನಾಗಿ ಆಡುತ್ತಿದ್ದಾರೆ. ಒಂದು ಹೆಜ್ಜೆ ಹಿಂದಿದ್ದಾರೆ ಅಷ್ಟೆ. ಇನ್ನು ಸ್ವಲ್ಪ ಸಮಯದಲ್ಲಿ ಮಯಾಂಕ್‍ಗೆ ಒಳ್ಳೆ ಮಾನ್ಯತೆ ಸಿಗುತ್ತೆ ಎಂದು ಆಫ್ ಸ್ಪಿನ್ನರ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
