ಆಂಗ್ಲರ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಫ್ಲಾಪ್ ಪರ್ಫಾಮನ್ಸ್ ನೀಡಿ ತಂಡದಿಂದ ಕೈಬಿಟ್ಟ ಕುರಿತು ಟೀಂಇಂಡಿಯಾ ಚೈನಾಮನ್ ಸ್ಪಿನ್ನರ್ ಕುಲ್ದೀಪ್ ಯಾದವ್ ರಿವೀಲ್ ಮಾಡಿದ್ದಾರೆ.
ನಾನು ಇಂಗ್ಲೆಂಡ್ ಬಿಡುವ ಮುನ್ನ ತಂಡದ ಆಯ್ಕೆ ಸಮಿತಿಯ ಮುಖ್ಯಸ್ಥ ಎಂ.ಎಸ್.ಕೆ ಪ್ರಸಾದ್ ಮತ್ತು ಕೋಚ್ ರವಿ ಶಾಸ್ತ್ರಿ ಬಳಿ ಮಾತನಾಡಿದೆ. ಎಷ್ಟು ಸಾಧ್ಯವಾಗುತ್ತೋ ಅಷ್ಟು ಕ್ರಿಕೆಟ್ ಆಡುವಂತೆ ಸೂಚಿಸಿದರು.
ಇಂಗ್ಲೆಂಡ್‍ನ ಕಂಡೀಶನ್‍ಗಳಲ್ಲಿ ತಂಡದಲ್ಲಿ ಒಬ್ಬ ಸ್ಪಿನ್ನರ್ ಮಾತ್ರ ಆಡಲು ಸಾಧ್ಯವಿರುತ್ತೆ. ಅವಕಾಶಗಳು ಕಡಿಮೆ ಇದ್ದವು. ಒಂದೊ ನಾನು ತಂಡದಲ್ಲಿ ಆಡಬೇಕಿತ್ತು ಅಥವಾ ಬೆಂಚ್‍ನಲ್ಲಿ ಕುಳಿತುಕೊಳ್ಳಬೇಕಿತ್ತು. ಆ ಸಂದರ್ಭದಲ್ಲಿ ತಂಡಕ್ಕೆ ನನ್ನ ಸಹಾಯ ಬೇಕಿರಲ್ಲಿಲ್ಲ. ಇದೀಗ ಎರಡು ಅನಧೀಕೃತ ಟೆಸ್ಟ್ ಪಂದ್ಯಗಳು ನನಗೆ ಮುಖ್ಯವಾಗಿದ್ದು ರೆಡ್ ಬಾಲ್ ಅಡುವ ಎಕ್ಸ್ ಪೀರಿಯನ್ಸ್ ಸಿಗುತ್ತದೆ. ಇದರಿಂದ ಮುಂಬರುವ ವೆಸ್ಟ್ ಇಂಡೀಸ್ ಸರಣಿಯಲ್ಲಿ ಗೆಲ್ಲಬಹುದಾಗಿದೆ ಎಂದು ಕುಲ್ದೀಪ್ ಯಾದವ್ ಹೇಳಿದ್ದಾರೆ.
