ಕನ್ನಡ ಕಿರುತೆರೆಯಲ್ಲಿ ಸಾಕಷ್ಟು ಚರ್ಚೆ, ವಾದ ವಿದಾದಕ್ಕೆ ಕಾರಣವಾಗುವ ಶೋ ಎಂದರೆ ಅದು ಬಿಗ್ ಬಾಸ್ ಮಾತ್ರ. ಬಿಗ್ ಬಾಸ್ ಮನೆಯಲ್ಲಿ ನಡೆಯುವ ಜಗಳ, ಮನಸ್ತಾಪ, ಆನಂದ, ಕಣ್ಣೀರು ಎಲ್ಲವೂ ಚರ್ಚೆಗೆ ಒಳಗಾಗುತ್ತವೆ. ಇದೀಗ ಹೊಸ ಸೀಸನ್‌ನೊಂದಿಗೆ ಬಿಗ್ ಬಾಸ್ ಮತ್ತೆ ಕಿರುತೆರೆ ವೀಕ್ಷಕರ ಮುಂದೆ ಬರುತ್ತಿದೆ.
ಈ ಬಾರಿಯೂ ಜನಸಾಮಾನ್ಯರಿಗೆ ಅವಕಾಶ ನೀಡಲಾಗಿದ್ದು ಆಡಿಷನ್ ಪ್ರಕ್ರಿಯೆ ಆರಂಭವಾಗಿದೆ. ಬಿಗ್ ಬಾಸ್‌ನಲ್ಲಿ ಭಾಗಿಯಾಗಲು ಇಚ್ಛಿಸುವ ಅಭ್ಯರ್ಥಿಗಳು ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಕಿಚ್ಚ ಸುದೀಪ್ನಿರೂಪಣೆಯಲ್ಲಿ ಮೂಡಿಬರಲಿರುವ ಈ ಶೋ ಸೆಪ್ಟೆಂಬರ್ನಿಂದ ಆರಂಭವಾಗುವ ನಿರೀಕ್ಷೆ ಇದೆ.
ಕಳೆದ ಬಾರಿಯ ಸೀಸನ್‌ನಿಂದ ಸಾಮಾನ್ಯರಿಗೂ ಅವಕಾಶ ಕಲ್ಪಿಸಲಾಗಿದೆ. ಇವರನ್ನೆಲ್ಲಾ ಆಡಿಷನ್ಸ್ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಮೇಘನಾ ಗೌಡ, ಸುಮಾ ರಾಜ್‍ಕುಮಾರ್, ನಿವೇದಿತಾ ಗೌಡ ಮತ್ತು ದಿವಾಕರ್ ಜನ ಸಾಮಾನ್ಯ ವಿಭಾಗದಲ್ಲಿ ಸ್ಪರ್ಧಿಸಿದ್ದವರು.
ವಿಶೇಷ ಎಂದರೆ ಜನಸಾಮಾನ್ಯ ವಿಭಾಗದ ದಿವಾಕರ್ ರನ್ನರ್ ಅಪ್ ಆಗಿದ್ದು. ಕಂಗ್ಲಿಷ್ ಮಾತನಾಡುತ್ತಾ ನಿವೇದಿತಾ ಗೌಡ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದದ್ದೂ ಇದೇ ಶೋನಿಂದ. ಕನ್ನಡ ‘ಬಿಗ್ ಬಾಸ್ 5’ರಲ್ಲಿ ಚಂದನ್ ಶೆಟ್ಟಿ ಗೆದ್ದದ್ದು ಗೊತ್ತೇ ಇದೆ.
