![ES-image (1)](http://kannada.vartamitra.com/wp-content/uploads/2018/08/ES-image-1-5-503x381.jpg)
ಹೊಸದಿಲ್ಲಿ: ಭಾರತದ ಸ್ಟ್ರಿಂಟ್ ಸೆನ್ಸೇಷನ್ ಹಿಮಾ ದಾಸ್ ಗುರುವಾರ ದೇಶದ ಮುಂಚೂಣಿ ಸ್ಪೋರ್ಟ್ಸ್ ಮ್ಯಾನೇಜ್ಮೆಂಟ್ ಗ್ರೂಪ್ ಐಒಎಸ್ ಸ್ಪೋರ್ಟ್ಸ್ ಅಂಡ್ ಎಂಟರ್ಟೇನ್ಮೆಂಟ್ ಜತೆ 2 ವರ್ಷಗಳ ಅವಧಿಗೆ 7 ಕೋಟಿ ರೂಪಾಯಿಗಳ ಭಾರಿ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.
ಇದರೊಂದಿಗೆ ಅವರು ಬಾಕ್ಸಿಂಗ್ ಸೂಪರ್ಸ್ಟಾರ್ಗಳಾದ ಎಂ.ಸಿ.ಮೇರಿ ಕೋಮ್ ಮತ್ತು ವಿಜೇದರ್ ಸಿಂಗ್ ಹಾಗೂ ಕಾಮನ್ವೆಲ್ತ್ ಗೇಮ್ಸ್ ಚಿನ್ನದ ಪದಕ ವಿಜೇತರಾದ ಮನಿಕಾ ಬಾತ್ರಾ ಮತ್ತು ಮಿರಾಬಾಯಿ ಚಾನು ಅವರ ಸಾಲಿಗೆ ಸೇರಿದ್ದಾರೆ. ಹಿಮಾ ದಾಸ್ ಇತ್ತೀಚೆಗೆ ಫಿನ್ಲೆಂಡ್ನಲ್ಲಿ ನಡೆದ ಐಎಎಎಫ್ ಜೂನಿಯರ್ (20 ವಯೋಮಿತಿ) ಅಥ್ಲೆಟಿಕ್ಸ್ ವಿಶ್ವ ಚಾಂಪಿಯನ್ಷಿಪ್ನ ಮಹಿಳೆಯರ 400 ಮೀಟರ್ ಓಟದ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ್ದರು.
ಫೈನಲ್ನಲ್ಲಿ ಕೇವಲ 51.46 ಸೆಕೆಂಡುಗಳಲ್ಲಿ ಗುರಿ ಮುಟ್ಟಿ ಹಿಮಾ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದರು. ಇದು ಐಎಎಎಫ್ ವಿಶ್ವ ಚಾಂಪಿಯನ್ಷಿಪ್ ಇತಿಹಾಸದಲ್ಲಿ (ಯಾವುದೇ ವಯೋಮಾನದ ಸ್ಪರ್ಧೆಯಲ್ಲಿ) ಭಾರತೀಯ ಸ್ಪರ್ಧಿಯೊಬ್ಬರಿಂದ ದಾಖಲಾದ ಅಭೂತಪೂರ್ವ ಸಾಧನೆ.