ನವದೆಹಲಿ:ಜು-೨೮: ರಾಜಧಾನಿ ದೆಹಲಿಯ ಗೋಶಾಲೆಯೊಂದರಲ್ಲಿ ಕಳೆದೆರಡು ದಿನಗಳಲ್ಲಿ 36 ಹಸುಗಳು ಸಾವನ್ನಪ್ಪಿರುವ ಘಟನೆ ಬೆಳಕಿಗೆ ಬಂದಿದೆ.
ದೆಹಲಿಯ ಹೊರವಲಯದ ಚಾವ್ಲಾ ಎಂಬ ಪ್ರದೇಶದಲ್ಲಿರುವ ಈ ಘಟನೆ ನಡೆದಿದ್ದು, ಗೋವುಗಳ ಸಾವು ವಿಚಾರ ತಿಳಿಯುತ್ತಿದ್ದಂತೆಯೇ ಸ್ಥಳೀಯ ಪೊಲೀಸರು, ಅಧಿಕಾರಿಗಳು ಸ್ಥಳಕ್ಕೆ ಭೇಡಿ ನೀಡಿದ್ದು, ಗೋಶಾಲೆಯಲ್ಲಿ ಒಟ್ಟು 1400 ಸಾವಿರ ಗೋವುಗಳಿದ್ದು, ಇದರಲ್ಲಿ ದಿಢೀರನೇ 36 ಹಸುಗಳು ಸಾವನ್ನಪ್ಪಿರುವುದು ಖಚಿತವಾಗಿದೆ.
ಘಟನೆ ಬಳಿಕ ಅಧಿಕಾರಿ ಕುಲ್ದೀಪ್ ಸಿಂಗ್ ಗಂಗ್ ಅವರು, ಹಸುಗಳ ಸಾವಿಗೆ ಪ್ರಮುಖ ಕಾರಣಗಳನ್ನು ತಿಳಿದುಕೊಳ್ಳುವ ಸಲುವಾಗಿ ತಂಡವನ್ನು ರಚನೆ ಮಾಡಿದ್ದು, ಕಕ್ರೋಲಾ, ಗೊಯ್ಲಾ ಡೈರಿ, ನಜಾಗರ್ಹ್, ಡಿಚೌನ್ ಕಲನ್, ಛಾವ್ಲಾ ಮತ್ತು ನಂಗಲಿ ಡೈರಿಯಲ್ಲಿರುವ ಪಶುವೈದ್ಯಕೀಯ ಆಸ್ಪತ್ರೆಯ ವೈದ್ಯರು ಇದೀಗ ಗೋಶಾಲೆಗೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.
36 Cows Die Over 2 Days in Delhi Gaushala, Govt. Demands Report
