ಹೊಸದಿಲ್ಲಿ: ದೇಶಾದ್ಯಂತ ಸಂಸದರು ದತ್ತು ಪಡೆದಿರುವ ಎಲ್ಲ ಗ್ರಾಮಗಳಲ್ಲೂ ಉಚಿತ ವೈ-ಫೈ ಒದಗಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ.
ಸಂಸದ್ ಆದರ್ಶ್ ಗ್ರಾಮ ಯೋಜನೆ ಅಡಿ ಲೋಕಸಭಾ ಸದಸ್ಯರು ದತ್ತು ಸ್ವೀಕರಿಸಿರುವ ಎಲ್ಲ ಹಳ್ಳಿಗಳಿಗೆ ಫ್ರೀ ವೈ-ಫೈ ಸೇವೆ ನೀಡಲಾಗುವುದು ಎಂದು ಪ್ರಸಾರ ಖಾತೆ ರಾಜ್ಯ ಸಚಿವ ಮನೋಜ್ ಸಿನ್ಹಾ ಲೋಕಸಭೆಯಲ್ಲಿ ಬುಧವಾರ ತಿಳಿಸಿದ್ದಾರೆ.
ದೇಶದ ಪ್ರತಿ ಗ್ರಾಮ ಪಂಚಾಯಿತಿಯಲ್ಲೂ ಉಚಿತ ವೈ-ಫೈ ಒದಗಿಸಲು ಸರ್ಕಾರ ಪ್ರಸ್ತಾವನೆ ಹೊಂದಿದೆ. ಗ್ರಾಮಗಳಲ್ಲಿ ಟೆಲಿಕಾಂ ಅಭಿವೃದ್ಧಿ ಪಡಿಸಲು ನಿಟ್ಟಿನಲ್ಲಿ ಬಿಎಸ್ಎನ್ಎಲ್ ಮೂಲಕ 25,000 ವೈ-ಫೈ ಹಾಟ್ಸ್ಪಾಟ್ಗಳನ್ನು ಅಳವಡಿಸಲಿದೆ. ಜೊತೆಗೆ ಇತರೆಲ್ಲ ಎಜೆನ್ಸಿಗಳು, ಖಾಸಗಿ ಟೆಲಿಕಂ ಆಪರೇಟರ್ಗಳೂ ಕೂಡ ಉಚಿತ ವೈ-ಫೈ ಒದಗಿಸುವುದರಲ್ಲಿ ತೊಡಗಲಿದ್ದಾರೆ ಅವರು ತಿಳಿಸಿದರು.
ಭಾರತ್ ನೆಟ್ ಯೋಜನೆ ಅಡಿ ಫೈಬರ್ ನೆಟ್ವರ್ಕ್ನೊಂದಿಗೆ 2.5 ಲಕ್ಷ ಗ್ರಾಮ ಪಂಚಾಯಿತಿಗಳನ್ನು ಒಂದಕ್ಕೊಂದು ಸಂಪರ್ಕ ಕಲ್ಪಿಸಲು ಸರ್ಕಾರ ಗುರಿ ಹೊಂದಿದೆ. ಈಗಾಗಲೇ ಮೊದಲ ಹಂತದಲ್ಲಿ 2017ರ ಡಿಸೆಂಬರ್ ಅಂತ್ಯಕ್ಕೆ 1 ಲಕ್ಷ ಗ್ರಾಮ ಪಂಚಾಯಿತಿಗಳಿಗೆ ಸಂಪರ್ಕ ಕಲ್ಪಿಸಲಾಗಿದೆ. ಹೆಚ್ಚುವರಿಯಾಗಿರುವ 1.5 ಲಕ್ಷ ಗ್ರಾಪಂಗಳಿಗೆ 2019 ಮಾರ್ಚ್ ವೇಳೆ ಹೈ-ಸ್ಪೀಡ್ ಇಂಟರ್ನೆಟ್ ಒದಗಿಸಲಾಗುತ್ತಿದೆ ಎಂದು ಸಚಿವರು ವಿವರಿಸಿದ್ದಾರೆ.
