ಶಿರಸಿ :
ಯುವಕವಿ ಡಾ:ಅಜಿತ್ ಹೆಗಡೆ ಹರೀಶಿಯವರ `ಬಿಳಿಮಲ್ಲಿಗೆ ಬಾವುಟ’ ಚೊಚ್ಚಲ ಕವನ ಸಂಕಲನಕ್ಕೆ ಹಾಸನದ ಮಾಣಿಕ್ಯ ಪ್ರಕಶನವು ಕೊಡಮಾಡುವ `ಕಾವ್ಯ ಮಾಣಿಕ್ಯ ಪ್ರಶಸ್ತಿ’ಯನ್ನು ಘೋಷಿಸಲಾಗಿದೆ. ಜುಲೈ 1 ರಂದು ಹಾಸನದ ಕನ್ನಡ ಸಾಹಿತ್ಯ ಪರಿಷತ್ತಿನ ಸಭಾಂಗಣದಲ್ಲಿ `ಕವಿ-ಕಾವ್ಯ ಸಂಭ್ರಮ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಪ್ರಧಾನ ಮಾಡಲಾಗುವುದು.
ಪ್ರತಿಭಾನ್ವಿತ ಕವಿಗಳೂ, ವೃತ್ತಿಯಲ್ಲಿ ವೈದ್ಯರೂ ಆದ ಡಾ:ಅಜಿತ ಹೆಗಡೆಯವರು ಅಪ್ಪಟ ಕೃಷಿಕರೂ ಹೌದು. ಶಿರಸಿ ತಾಲೂಕಾ ಸಾಹಿತ್ಯ ಸಮ್ಮೇಳನ ಸಹಿತ ಹಲವಾರು ಕವಿಗೋಷ್ಠಿಗಳಲ್ಲಿ ಭಾಗವಹಿಸಿರುವರು. ಅಲ್ಲದೇ ಭದ್ರಾವತಿ ಮತ್ತು ಕಾರವಾರ ಆಕಾಶವಾಣಿ ಕೇಂದ್ರಗಳಲ್ಲಿಯೂ ಇವರ ಆಯ್ದ ಕವಿತೆಗಳು ಭಿತ್ತರಗೊಂಡಿವೆ. ನಾಡಿನ ಬಹಳಷ್ಟು ಹಿರಿಕಿರಿಯ ಪತ್ರಿಕೆಗಳಲ್ಲಿಯೂ ಇವರ ಕವಿತೆಗಳು ಪ್ರಕಟಗೊಳ್ಳುತ್ತಿವೆ.
