ದುಬೈ, ಜೂ.9- ಟಿ-20 ಮಹಿಳೆಯರ ಏಷ್ಯಾ ಕಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಇಂದು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ವಿರುದ್ಧ ಭಾರತ ವನಿತೆಯರು ಜಯಭೇರಿ ಬಾರಿಸಿದ್ದಾರೆ.
ಮೊದಲು ಬ್ಯಾಟ್ ಮಾಡಿದ ಪಾಕಿಸ್ತಾನವನ್ನು ಕೇವಲ 73 ರನ್‍ಗಳಿಗೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾದ ಭಾರತೀಯ ಬೌಲರ್‍ಗಳು ಅದ್ಭುತ ಪ್ರದರ್ಶನ ನೀಡಿದರು.
ಮಿಥಾಲಿ ರಾಜ್ ಮತ್ತು ದೀಪ್ತಿ ಶರ್ಮಾ ಅವರ ಅದ್ಭುತ ಬೌಲಿಂಗ್‍ಗೆ ಪಾಕ್‍ನ ಬ್ಯಾಟಿಂಗ್ ಬಲ ಸಂಪೂರ್ಣ ಕುಗ್ಗಿ ಹೋಗಿತ್ತು. ಇದಲ್ಲದೆ ನಾಯಕಿ ಹರ್ಪಿತ್ ಕೌರವ್ ಅವರ ಚಾಣಾಕ್ಷ ಕಾರ್ಯತಂತ್ರ ಕೂಡ ಯಶಸ್ವಿಯಾಗಿತ್ತು.
ನಂತರ ಈ ಸುಲಭದ ಗೆಲುವಿನ ಗುರಿಯನ್ನು ಆರಂಭಿಸಿದ ಭಾರತಕ್ಕೆ ಆಘಾತ ಕಾದಿತ್ತು. ಅದ್ಭುತ ಫಾರ್ಮ್‍ನಲ್ಲಿದ್ದ ಮಂದಾನಾ ಬಹು ಬೇಗನೆ ಔಟ್ ಆಗಿ ಪೆವಿಲಿಯನ್ ತೆರಳಿದರು.
ನಂತರ ಬಂದ ಮಿತಿಲಿ ರಾಜ್ ಮತ್ತು ಹರ್ಮಿತ್ ಕೌರ್ ಜತೆಯಾಟದಿಂದ 9 ವಿಕೆಟ್‍ಗಳ ಭರ್ಜರಿ ಗೆಲುವು ಸಾಧಿಸಿತು. ಈ ಮೂಲಕ ಏಷ್ಯಾ ಕಪ್‍ನ ಫೈನಲ್‍ಗೆ ಭಾರತೀಯ ವನಿತೆಯರು ತಲುಪಿದ್ದಾರೆ.
