ನವದೆಹಲಿ:ಜೂ-೫: ಭಾರತೀಯ ವಾಯುಪಡೆಯ ಯುದ್ಧವಿಮಾನವೊಂದು ಪತನಗೊಂಡಿದ್ದು, ಪೈಲಟ್‌ವೊಬ್ಬರು ಮೃತಪಟ್ಟಿದ್ದಾರೆ.
ಗುಜರಾತ್‌ನ ಕಛ್‌ ಬಳಿ ಈ ಯುದ್ಧ ವಿಮಾನ ಪತನಗೊಂಡಿದೆ. ಭಾರತೀಯ ವಾಯಪಡೆಯ ಜಾಗ್ವಾರ್ ವಿಮಾನ ಜಾಮ್‌ನಗರ್‌ ವಾಯುನೆಲೆಯಿಂದ ಹಾರಾಟ ಆರಂಭಿಸಿದ ನಂತರ ಬೆರಾಜ ಗ್ರಾಮದ ಬಳಿ ಪತನಗೊಂಡಿದೆ.
ಜಾಗ್ವಾರ್ ವಿಮಾನ ಚಾಲನೆ ಮಾಡುತ್ತಿದ್ದ ಪೈಲಟ್ ಏರ್ ಕಮಾಂಡರ್‌ ಸಂಜಯ್‌ ಚೌಹಾಣ್‌ ಮೃತಪಟ್ಟಿದ್ದಾರೆ.
ಇದೇ ಸಂದರ್ಭದಲ್ಲಿ ಮೇಯಲು ಬಂದಿದ್ದ ಹಸುಗಳ ಮೇಲೆ ವಿಮಾನ ಬಿದ್ದ ಪರಿಣಾಮ ಐದು ಹಸುಗಳೂ ಮೃತಪಟ್ಟಿವೆ.
ಬೆಳಗ್ಗೆ 10 ಗಂಟೆ ವೇಳೆಗೆ ಪ್ರಯಾಣ ಆರಂಭಿಸಿದ ವಿಮಾನ 10.30ರ ವೇಳೆಗೆ ಸಂಪರ್ಕ ಕಳೆದುಕೊಂಡಿತು. ನಂತರ ವಿಮಾನ ಪತನನೊಂಡಿರುವುದು ತಿಳಿದುಬಂತು ಎಂದು ವಾಯುಪಡೆಯ ಲೆಫ್ಟಿನೆಂಟ್‌ ಮನೀಷ್‌ ಓಜಾ ತಿಳಿಸಿದ್ದಾರೆ.
