ಬೀದರ್: ಜೂ. 04. ವಿದ್ಯಾರ್ಥಿಗಳು ಕಾಲಹರಣ ಮಾಡದೇ ಸಮಯಕ್ಕೆ ಆದ್ಯತೆ ನೀಡಿ ಶಿಕ್ಷಣ ಪಡೆದರೆ ಉನ್ನತ ಸ್ಥಾನಕ್ಕೆ ಹೋಗಲು ಸಾಧ್ಯ ಎಂದು ಗುಲ್ಬರ್ಗ ವಿಶ್ವವಿದ್ಯಾಲದಯ ಮಾಜಿ ಸಿಂಡಿಕೆಟ್ ಸದಸ್ಯ ಜಾರ್ಜ್ ಫರ್ನಾಂಡಿಸ್ ಹೇಳಿದರು.
ಜಿಲ್ಲೆಯ ಹಾಲಹಳ್ಳಿ (ಕೆ) ಬಳಿಯ ಗುಲ್ಬರ್ಗ ವಿಶ್ವವಿದ್ಯಾಲಯದ ಸ್ನಾತಕೋತ್ತರ ಕೇಂದ್ರದಲ್ಲಿ ಸೋಮವಾರ ನಡೆದ ಅಂತಿಮ ವರ್ಷದ ವಿದ್ಯಾರ್ಥಿಗಳಿಗೆ ಬೀಳ್ಕೊಡುಗೆ ಸಮಾರಂಭದಲ್ಲಿ ಮಾತನಾಡಿ, ಗುರಿ ಇಟ್ಟುಕೊಂಡು ಗುರುವಿನ ಆಶೀರ್ವಾದದೊಂದಿಗೆ ಶಿಕ್ಷಣ ಪಡೆದುಕೊಳ್ಳಿ ಎಂದು ಹೇಳಿದರು.
ಸ್ನಾತಕೋತ್ತರ ಕೇಂದ್ರದ ವಿಶೇಷ ಅಧಿಕಾರಿ ಡಾ. ರವೀಂದ್ರನಾಥ ವಿ. ಗಬಾಡಿ ಅಧ್ಯಕ್ಷತೆ ವಹಿಸಿದ್ದರು. ಪೊ.ಕೆ.ಎಸ್. ಮಾಲಿ ಪಾಟೀಲ್, ಡಾ. ರಾಠೋಡ್ ಪಟವರ್ಧನ್, ಡಾ. ಶಾಂತಕುಮಾರ ಚಿದ್ರಿ, ಸಿದ್ಧಲಿಂಗ ನಿರ್ಣಾ, ಟಿ. ಶಿವಾನಂದ ಅಣಜಿಗಿ, ವಿಠಲ್ ಕಾಳಗಿ, ಪ್ರದೀಪಕುಮಾರ ಇತರರಿದ್ದರು.
