ಶ್ರೀನಗರ, ಏ.26-ಕಾಶ್ಮೀರದ ಕಾಂಗ್ರೆಸ್ ನಾಯಕ ಗುಲಾಂ ನಬಿ ಪಟೇಲ್ ಅವರನ್ನು ಭಯೋತ್ಪಾದಕರು ನಿನ್ನೆ ಗುಂಡಿಟ್ಟು ಕೊಂದಿದ್ದಾರೆ. ಪುಲ್ಮಾಮದ ರಾಜ್‍ಪೆÇೀರಾದಲ್ಲಿ ನಡೆದಿರುವ ಉಗ್ರರ ದಾಳಿಯಿಂದ ರಾಜಕೀಯ ಮುಖಂಡರು ಆತಂಕಗೊಂಡಿದ್ದಾರೆ.
ಯಾದೆರ್‍ನಿಂದ ಪುಲ್ವಾಮಗೆ ತಮ್ಮ ವಾಹನದಲ್ಲಿ ಬರುತ್ತಿದ್ದ ಶಾದಿಮಾರ್ಗ್ ನಿವಾಸಿ ಗುಲಾಂ ಅವರ ಮೇಲೆ ಭಯೋತ್ಪಾದಕರು ಗುಂಡಿನ ಮಳೆಗರೆದರು. ಗುಂಡೇಟಿನಿಂದ ತೀವ್ರ ಗಾಯಗೊಂಡ ಅವರು ಆಸ್ಪತ್ರೆ ಮಾರ್ಗದಲ್ಲಿ ಕೊನೆಯುಸಿರೆಳೆದರು. ಉಗ್ರಗಾಮಿಗಳ ಈ ದಾಳಿಯಲ್ಲಿ ಅವರ ಇಬ್ಬರು ಖಾಸಗಿ ಭದ್ರತಾ ಅಧಿಕಾರಿಗಳು ಗಾಯಗೊಂಡಿದ್ದಾರೆ.
ಜಮ್ಮು ಮತ್ತು ಕಾಶ್ಮೀರ ಮುಖ್ಯಮಂತ್ರಿ ಮೆಹಬೂಬ ಮುಫ್ತಿ, ಮಾಜಿ ಮುಖ್ಯಮಂತ್ರಿ ಓಮರ್ ಅಬ್ದುಲ್ಲಾ, ಕಾಂಗ್ರೆಸ್ ನಾಯಕರಾದ ಸಲ್ಮಾನ್ ಅನೀಸ್ ಸೋಜ್, ಅನ್ವರ್ ಭಟ್ ಮೊದಲಾದವರು ಗುಲಾಂ ನಬಿ ಪಟೇಲ್ ಹತ್ಯೆಯನ್ನು ಖಂಡಿಸಿದ್ದಾರೆ.
