ಚನ್ನಪಟ್ಟಣ, ಏ.21- ನಿಯಮ ಉಲ್ಲಂಘನೆ ಮಾಡಿದ ಆಪಾದನೆಯಡಿ ತಾಲೂಕಿನ 4 ವೈನ್‍ಸ್ಟೋರ್‍ಗಳಿಗೆ ಅಬಕಾರಿ ಅಧಿಕಾರಿಗಳು ಬೀಗ ಹಾಕಿದ್ದಾರೆ.
ಪಟ್ಟಣದ ಜೆ.ಸಿ.ರಸ್ತೆಯ ಚೇತನ ವೈನ್ಸ್, ಆನಂದಪುರದ ಸಾತನೂರು ರಸ್ತೆಯ ಗರುಡಾದ್ರಿ ವೈನ್ಸ್, ಸಾತನೂರು ರಸ್ತೆಯ ಚಂದು ವೈನ್ಸ್, ಮಂಗಳವಾರ ಪೇಟೆಯ ಅನುವೈನ್ಸ್ ಗಳಲ್ಲಿ ನಿಯಮ ಉಲ್ಲಂಘನೆ ಮಾಡಿದ್ದ ಪ್ರಕರಣಗಳು ಕಂಡುಬಂದ ಹಿನ್ನೆ¯ಯಲ್ಲಿ ಈ ಮದ್ಯದಂಗಡಿಗಳನ್ನು ಬಂದ್ ಮಾಡಿರುವುದಾಗಿ ಅಬಕಾರಿ ನಿರೀಕ್ಷಕ ಮಲ್ಲಿಕಾರ್ಜುನ್ ತಿಳಿಸಿದರು.
ನಿಯಮ ಬಾಹಿರವಾಗಿ ಈ ವೈನ್‍ಸ್ಟೋರ್‍ಗಳಲ್ಲಿ ಲೋಟ ನೀಡಿ, ಮದ್ಯ ಸೇವನೆಗೆ ಅವಕಾಶ ಮಾಡಿಕೊಟ್ಟಿದ್ದು, ಗ್ರಾಹಕರಿಗೆ ಮಾರಾಟ ಮಾಡಿದ ಮದ್ಯಗಳಿಗೆ ಸೂಕ್ತ ರಶೀದಿ ನೀಡದಿರುವುದು ಪರಿಶೀಲನೆ ವೇಳೆ ಕಂಡು ಬಂದಿದು, ಕಾನೂನು ಕ್ರಮ ಜರುಗಿಸಿರುವುದಾಗಿ ತಿಳಿಸಿದ್ದಾರೆ.
