ಅಮೇಥಿ, ಏ.18-ಇನ್ನು 15 ವರ್ಷಗಳಲ್ಲಿ ಅಮೇಥಿ ಲೋಕಸಭಾ ಕ್ಷೇತ್ರವನ್ನು ಸಿಂಗಪುರ್ ಮತ್ತು ಕ್ಯಾಲಿಫೆÇೀರ್ನಿಯಾದಂತೆ ಅಭಿವೃದ್ಧಿಗೊಳಿಸುವುದಾಗಿ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದಾರೆ.
ಸ್ವಕ್ಷೇತ್ರ ಅಮೇಥಿಯಲ್ಲಿ ಶಾಲೆಯೊಂದನ್ನು ಉದ್ಘಾಟಿಸಿದ ಬಳಿಕ ಮಾತನಾಡಿದ ಅವರು ಇನ್ನು 15 ವರ್ಷಗಳಲ್ಲಿ ಸಿಂಗಪುರ್, ಕ್ಯಾಲಿಫೆÇೀರ್ನಿಯಾದಂತೆ ಅಮೇಥಿ ಹೆಸರನ್ನು ಜನರು ಉಲ್ಲೇಖಿಸುವ ರೀತಿಯಲ್ಲಿ ಅಭಿವೃದ್ಧಿಗೊಳಿಸಲಾಗುವುದು ಎಂದು ತಿಳಿಸಿದರು.
ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಮತ್ತು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‍ರ ಉತ್ತರಪ್ರದೇಶ ರಾಜ್ಯ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ಅಮೇಥಿಯಲ್ಲಿ ಬೃಹತ್ ಯೋಜನೆಗಳಿ ಈ ಎರಡು ಸರ್ಕಾರ ಅಡ್ಡಿಯಾಗಿವೆ ಎಂದು ಆರೋಪಿಸಿದರು.
