ಬೆಂಗಳೂರು, ಏ.11-ರಾಜಾಜಿನಗರದ ವಿಧಾನಸಭಾ ಕ್ಷೇತ್ರದ ಟಿಕೆಟ್ ಆಕಾಂಕ್ಷಿಯಾಗಿರುವ ತಾವು ಇಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಿ ತಮಗೆ ಟಿಕೆಟ್ ನೀಡುವಂತೆ ಮನವಿ ಮಾಡಿದ್ದಾಗಿ ಮಾಜಿ ಮೇಯರ್ ಪದ್ಮಾವತಿ ತಿಳಿಸಿದರು.
ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮುಖ್ಯಮಂತ್ರಿಗಳು ಕ್ಷೇತ್ರದಲ್ಲಿ ಕೆಲಸ ಮಾಡಿ ಎಂದಿದ್ದಾರೆ. ಅದರಂತೆ ಕೆಲಸ ನಿರ್ವಹಿಸುತ್ತಿದ್ದೇನೆ ಎಂದರು.
ರಾಜಾಜಿನಗರ ಕ್ಷೇತ್ರದಲ್ಲಿ ಟಿಕೆಟ್ ಆಕಾಂಕ್ಷಿಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ತಮಗೇ ಟಿಕೆಟ್ ನೀಡುವಂತೆ ಮನವಿ ಮಾಡಿದ್ದೇವೆ. ಟಿಕೆಟ್ ಸಿಕ್ಕರೆ ಗೆಲುತ್ತೇನೆ ಎಂಬ ವಿಶ್ವಾಸ ನನಗಿದೆ ಎಂದು ಹೇಳಿದರು.
ಬಿಜೆಪಿ ಕಾಪೆರ್Çೀರೇಟರ್ ಪತಿ ಸಹ ಸಿಎಂ ಭೇಟಿಗೆ ಬಂದಿದ್ದರು ಎಂಬ ಬಗ್ಗೆ ತಮಗೇನು ತಿಳಿದಿಲ್ಲ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.
ಕ್ಯಾಮೆರಾ ನೋಡಿ ಹಿಂದೆ ಸರಿದ ಕಾಪೆರ್Çೀರೇಟರ್ ಪತಿ:
ಮಾಜಿ ಮೇಯರ್ ಪದ್ಮಾವತಿ ಅವರ ಬೆಂಬಲಿಸಲು ಬಸವೇಶ್ವರ ನಗರ ವಾರ್ಡ್‍ನ ಕಾಪೆರ್Çೀರೇಟರ್ ಪತಿ ಇಂದು ಮುಖ್ಯಮಂತ್ರಿಗಳನ್ನು ಭೇಟಿ ಮಾಡಲು ಪದ್ಮಾವತಿ ಅವರೊಂದಿಗೆ ಬಂದಿದ್ದಾಗ ಮಾಧ್ಯಮದವರನ್ನು ಕಂಡು ಮರೆಯಾಗಲು ಯತ್ನಿಸಿದರು. ಈ ವೇಳೆ ಸ್ವತಃ ಮಾತನಾಡಿದ ಅವರು, ವೈಯಕ್ತಿಕ ಕೆಲಸಕ್ಕಾಗಿ ಬಂದಿದ್ದಾಗಿ ಹೇಳಿದರು.
