ಕೊಲ್ಕತಾ, ಏ.9-ಪಶ್ಚಿಮ ಬಂಗಾಳದ ರಾಜಧಾನಿ ಕೊಲ್ಕತಾ ಸೇರಿದಂತೆ ಕೆಲವೆಡೆ ಇಂದು ರೈಲು ನಿಲ್ದಾಣಗಳ ಬಳಿ ಕಚ್ಚಾ ಬಾಂಬ್‍ಗಳು ಸ್ಫೋಟಗೊಂಡಿದ್ದು, ಕೆಲವರಿಗೆ ಗಾಯಗಳಾಗಿವೆ. ಕೊಲ್ಕತ್ತಾ ಸಮೀಪದ ಡುಂ-ಡುಂ ಕಂಟೋನ್ಮೆಂಟ್ ರೈಲು ನಿಲ್ದಾಣದ ಬಳಿ ಇಂದು ಬೆಳಗ್ಗೆ ಕಚ್ಚಾ ಬಾಂಬೊಂದು ಸ್ಪೋಟಗೊಂಡು ಇಬ್ಬರು ಗಾಯಗೊಂಡರು. ರೈಲು ನಿಲ್ದಾಣದಿಂದ 100 ಮೀಟರ್ ದೂರದಲ್ಲಿ ಈ ಘಟನೆ ಸಂಭವಿಸಿದೆ. 24 ಪರಗಣ ಜಿಲ್ಲೆಯ ಜಂಕ್ಷನ್ ಬಳಿ ರೈಲ್ವೆ ಹಳಿ ಮೇಲೆ ಮತ್ತೊಂದು ಕಚ್ಚಾಬಾಂಬ್ ಸ್ಫೋಟಗೊಂಡಿದ್ದು, ಅಲ್ಲೂ ಕೆಲವರಿಗೆ ಗಾಯಗಳಾಗಿದೆ. ಈ ಎರಡೂ ಘಟನೆಗಳ ಹಿನ್ನೆಲೆಯಲ್ಲಿ ಪೆÇಲೀಸರು ಕಟ್ಟೆಚ್ಚರ ವಹಿಸಿದ್ದಾರೆ.
