ಗೋಲ್ಡ್‍ಕೋಸ್ಟ್, ಏ.8- ಆಸ್ಟ್ರೇಲಿಯಾದ ಗೋಲ್ಡ್‍ಕೋಸ್ಟ್‍ನಲ್ಲಿ ನಡೆಯುತ್ತಿರುವ 21 ನೆ ಕಾಮನ್‍ವೆಲ್ತ್‍ನಲ್ಲಿ ಭಾರತೀಯ ಬ್ಯಾಡ್ಮಿಂಟನ್ ತಾರೆಯರು ಫೈನಲ್ಸ್‍ಗೆ ಲಗ್ಗೆ ಇಟ್ಟಿದ್ದು ಚಿನಡ್ನದ ಪದಕ ಗೆಲ್ಲುವತ್ತ ಗುರಿ ನೆಟ್ಟಿದ್ದಾರೆ.
ವಿಶ್ವದ ನಂಬರ್ 2 ನೆ ಶ್ರೇಯಾಂಕಿತ ಕಿಡಂಬಿ ಶ್ರೀಕಾಂತ್ ಹಾಗೂ ಲಂಡನ್‍ನಲ್ಲಿ ಒಲಿಂಪಿಕ್ಸ್ ಪದಕ ವಿಜೇತೆ ಸೈನಾ ನೆಹ್ವಾಲ್ ಬಳಗವು ಸಿಂಗಾಪುರ್ ತಂಡದ ಆಟಗಾರರ ವಿರುದ್ಧ 3-1ಯಿಂದ ಜಯಿಸುವ ಮೂಲಕ ಫೈನಲ್ಸ್ ಪ್ರವೇಶಿಸಿದ್ದಾರೆ.
ಮಿಕ್ಸ್ಡ್ ಡಬಲ್ಸ್‍ನಲ್ಲಿ ಸತ್ವಿಕ್ ಮತ್ತು ಅಶ್ವಿನಿ, ಸಿಂಗಾಪುರದ ಆಟಗಾರರಾದ ಯಾಂಗ್ ಕೈ ಟೆರಿ ಹಿ ಮತ್ತು ಜಿಯಾ ಹಿಂಗ್ ಕ್ರಿಸ್ಟಲ್ ವೋಂಗ್‍ರ ತೀವ್ರ ಪೈಪೆÇೀಟಿಯ ನಡುವೆಯೂ 22-20, 21-18 ನೇರ ಸೆಟ್‍ಗಳಿಂದ ಜಯಸಿದರು.
ಭಾರತದ ಭರವಸೆಯ ಆಟಗಾರ ಶ್ರೀಕಾಂತ್ ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಸಿಂಗಾಪುರದ ಕೆನ್ ವಿರುದ್ಧ 37 ನಿಮಿಷಗಳ ಕಾಲ ಸೆಣಸಿ 21-17, 21-14ರಿಂದ ಗೆಲುವು ಕಂಡರು
ಪುರುಷರ ಮಿಕ್ಸ್ಡ್ ಡಬಲ್ಸ್‍ನಲ್ಲಿ ಭಾರತ ಸತ್ವಿಕ್ ಹಾಗೂ ಚಿರಾಗ್ ಮೊದಲ ಸುತ್ತಿನಲ್ಲಿ 21-17 ರಿಂದ ಗೆಲುವು ಕಂಡರೂ ಕೂಡ ನಂತರ ಸುತ್ತಿನಲ್ಲಿ 9-21, 12-21 ಸೆಟ್‍ಗಳಿಂದ ಹ್ಯಾಂಗ್ ಕೈ ಟೆರ್ರಿ ಹಿ ಮತ್ತು ಡ್ಯಾನಿ ಬಾವಾ ಕ್ರಿಸ್ಟಿಯಾನಾರಿಗೆ ಶರಣಾದರು
ಭಾರತದ ಬ್ಯಾಡ್ಮಿಂಟನ್ ತಾರೆಯರು ನಾಳೆ ನಡೆಯುವ ಫೈನಲ್ಸ್‍ನಲ್ಲಿ ಇಂಗ್ಲೆಂಡ್ ಹಾಗೂ ಮಲೇಷಿಯಾ ಆಟಗಾರರ ಸವಾಲನ್ನು ಎದುರಿಸಲಿದ್ದಾರೆ.
