ನವದೆಹಲಿ, ಏ.3-ಸ್ವಾತಂತ್ರ್ಯ ಹೋರಾಟಗಾರ್ತಿ, ಸಮಾಜ ಸುಧಾರಕಿ ಹಾಗೂ ಮಹಿಳಾ ಹಕ್ಕುಗಳ ಕಾರ್ಯಕರ್ತೆ ಕಮಲಾದೇವಿ ಚಟ್ಟೋಪಾಧ್ಯಾಯ ಅವರ 115ನೇ ಜನ್ಮ ದಿನಾಚರಣೆ ಗೌರವಾರ್ಥ ಗೂಗಲ್ ಅವರಿಗೆ ಡೂಡಲ್ ಮೂಲಕ ಗೌರವ ಸಲ್ಲಿಸಿದೆ.
ಮಂಗಳೂರಿನಲ್ಲಿ ಏಪ್ರಿಲ್ 3, 1903ರಲ್ಲಿ ಜನಿಸಿದ್ದ ಅವರು ಕ್ರಾಂತಿಕಾರಿ ಮಹಿಳೆಯಾಗಿದ್ದರು. ಭಾರತ ಕಂಡ ಕೆಲವೇ ಕೆಲವು ಮಹಿಳಾವಾದಿ ಸ್ವಾತಂತ್ರ್ಯ ಹೋರಾಟಗಾರರಲ್ಲಿ ಮುಂಚೂಣಿಯಲ್ಲಿದ್ದ ಕಮಲಾದೇವಿ, ಬಹುಮುಖ ಪ್ರತಿಭೆಯ ದಿಟ್ಟ ವನಿತೆಯಾಗಿ ಹೆಸರು ಗಳಿಸಿದ್ದಾರೆ.
