ಕಾಶ್ಮೀರದ ಬಂಡಿಪೊರಾಯಲ್ಲಿ ಭಯೋತ್ಪಾದಕರೊಂದಿಗೆ ಕಾಳಗ

ಶ್ರೀನಗರ,ಫೆ.22-ಜಮ್ಮು ಮತ್ತು ಕಾಶ್ಮೀರದ ಬಂಡಿಪೊರಾ ಜಿಲ್ಲೆಯಲ್ಲಿ ಇಂದು ಭಯೋತ್ಪಾದಕರೊಂದಿಗೆ ನಡೆದ ಗುಂಪಿನ ಕಾಳಗದಲ್ಲಿ ಸೇನಾ ಕಮಾಂಡೋಗಳು ಗಾಯಗೊಂಡಿದ್ದಾರೆ.

ನಾಲ್ವರು ಉಗ್ರರು ನುಸುಳಿರುವ ಖಚಿತ ವರ್ತಮಾನದ ಮೇರೆಗೆ ಬಂಡಿಪೊರದ ಹಾಜಿನ್ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಶೋಧ ನಡೆಸುತ್ತಿದ್ದರು. ಇದೇ ಸಂದರ್ಭದಲ್ಲಿ ಭಯೋತ್ಫಾದಕರು ಯೋಧರತ್ತ ಗುಂಡು ಹಾರಿಸಿದರು.

ಗುಂಡಿನ ಕಾಳಗದ ವೇಳೆ ಕೆಲವು ಕಮಾಂಡೋಗಳಿಗೆ ಗಾಯಗಳಾಗಿದ್ದು , ಉಗ್ರರು ಪರಾರಿಯಾಗಿದ್ದಾರೆ. ಅವರಿಗಾಗಿ ಈ ಪ್ರದೇಶದಲ್ಲಿ ಶೋಧ ಕಾರ್ಯ ಮುಂದುವರೆದಿದೆ.