ಬೆಂಗಳೂರು, ಜ.29- 2019-20ನೆ ಸಾಲಿನ ಬಜೆಟ್ ಪೂರ್ವಭಾವಿ ಸಿದ್ಧತೆ ಹಿನ್ನೆಲೆಯಲ್ಲಿ ಇಂದು ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಆಟೋ-ಟ್ಯಾಕ್ಸಿ ಚಾಲಕರು ಸೇರಿದಂತೆ ವಿವಿಧ ಸಂಘಟನೆಗಳ ಪ್ರತಿನಿಧಿಗಳೊಂದಿಗೆ ಸಮಾಲೋಚನೆ ನಡೆಸಿದರು.
ಮುಂದಿನ ಬಜೆಟ್ ಹಿನ್ನೆಲೆಯಲ್ಲಿ ಆಯಾ ಸಂಘಟನೆಗಳ ಪ್ರತಿನಿಧಿಗಳ ಬೇಡಿಕೆ-ಸಲಹೆಗಳನ್ನು ಸಿಎಂ ಆಲಿಸಿದರು.
ಆಟೋ-ಟ್ಯಾಕ್ಸಿ ಚಾಲಕರು, ಓಲಾ-ಊಬರ್ ಚಾಲಕರು, ಸಿದ್ಧ ಉಡುಪು ಕಾರ್ಖಾನೆಗಳ ನೌಕರರು ಮತ್ತು ಮಾಲೀಕರು, ಅಸಂಘಟಿತ ಕಾರ್ಮಿಕ ಸಂಘ, ಕೊಳಗೇರಿ ನಿವಾಸಿಗಳ ಸಂಘ, ಖಾಸಗಿ ಭದ್ರತಾ ಸಂಘಟನೆಗಳ ಪ್ರತಿನಿಧಿಗಳೊಂದಿಗೆ ಅವರವರ ಸಂಘಟನೆಗಳ ಬೇಡಿಕೆ, ಸಲಹೆಗಳನ್ನು ಪರಿಶೀಲಿಸಿ ಬಜೆಟ್‍ನಲ್ಲಿ ಅದಕ್ಕೆ ಆದ್ಯತೆ ನೀಡಲು ಚರ್ಚೆ ನಡೆಸಿದರು.
