ನಾಟಿಂಗ್ಯಾಮ್: ಟೀಂ ಇಂಡಿಯಾದ ಘಾತಕ ವೇಗಿ ಇಶಾಂತ್ ಶರ್ಮಾ ನಿನ್ನೆ ಇಂಗ್ಲೆಂಡ್ ತಂಡ ಆರಂಭಿಕ ಬ್ಯಾಟ್ಸ್ ಮನ್ ಆಲೆಸ್ಟರ್ ಕುಕ್ ಅವರನ್ನ ಎರಡನೇ ಇನ್ನಿಂಗ್ಸ್ ನಲ್ಲಿ ಔಟ್ ಮಾಡುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಕುಕ್ ಅವರನ್ನ ಒಟ್ಟು 12 ಬಾರಿ ಔಟ್ ಮಾಡಿ ದಕ್ಷಿಣ ಆಫ್ರಿಕಾ ವೇಗಿ ಮಾರ್ನೆ ಮಾರ್ಕೆಲ್ ಸರಿಸಮಾನವಾಗಿ ದಾಖಲೆ ಬರೆದಿದ್ದಾರೆ.
ಇಂಗ್ಲೆಂಡ್ ತಂಡದ ಅನುಭವಿ ಬ್ಯಾಟ್ಸ್ ಮನ್ ಆಲೆಸ್ಟರ್ ಕುಕ್ ಈ ಹಿಂದೆ ತಂಡಕ್ಕೆ ಅತಿ ಹೆಚ್ಚು ರನ್ ತಂದುಕೊಟ್ಟ ಬ್ಯಾಟ್ಸ್ ಮನ್ ಆಗಿದ್ರು. ಆದ್ರೆ ಟೀಂ ಇಂಡಿಯಾ ವಿರುದ್ದದ ಟೆಸ್ ಸರಣಿಯಲ್ಲಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ್ದಾರೆ. ಆಡಿದ ಮೂರು ಟೆಸ್ಟ್ ಪಂದ್ಯಗಳಲ್ಲಿ ಮೂರು ಬಾರಿ ಇಂಶಾಂತ್ ಶರ್ಮಾಗೆ ಔಟ್ ಆಗಿದ್ದಾರೆ.
ಮೂರನೇ ಟೆಸ್ಟ್ ಪಂದ್ಯದಲ್ಲಿ ಎರಡು ಇನ್ನಿಂಗ್ಸ್ ಗಳಲ್ಲೂ ಕುಕ್ ಇಶಾಂತ್ಗೆ ವಿಕೆಟ್ ಒಪ್ಪಿಸಿದ್ದಾರೆ. ಇದರೊಂದಿಗೆ ಈ ಅನುಭವಿ ಬ್ಯಾಟ್ಸ್ ್ಮನ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಇಶಾಂತ್ಗೆ 12 ಬಾರಿ ಔಟಾದ ಅನಗತ್ಯ ದಾಖಲೆಯನ್ನ ಕುಕ್ ಬರೆದರು. ಇದುವರೆಗೂ ಕುಕ್ 12 ಬಾರಿ ಇಶಾಂತ್ಗೆ ವಿಕೆಟ್ ಒಪ್ಪಿಸಿದ್ದು ಇದರಲ್ಲಿ 11 ಟೆಸ್ಟ್ ನಲ್ಲಿ ಹಾಗೂ ಒಂದು ಬಾರಿ ಏಕದಿನ ಕ್ರಿಕೆಟ್ನಲ್ಲಿ ಔಟಾಗಿದ್ದಾರೆ. ದಕ್ಷಿಣ ಆಫ್ರಿಕಾ ವೇಗಿ ಮಾರ್ನೆ ಮಾರ್ಕೆಲ್ ಆಲೆಸ್ಟರ್ ಕುಕ್ ಅವರನ್ನ ಬರೀ ಟೆಸ್ಟ್ ನಲ್ಲಿ 12 ಬಾರಿ ಔಟ್ ಮಾಡಿದ್ದಾರೆ. ಇದು ಬಿಟ್ಟರೇ ಟೀಂ ಇಂಡಿಯಾದ ಕೇರಂ ಸ್ಪೆಶಲಿಸ್ಟ್ ಆರ್.ಅಶ್ವಿನ್ ಆಲೆಸ್ಟರ್ ಕುಕ್ ಅವರನ್ನ 9 ಬಾರಿ ಔಟ್ ಮಾಡಿದ್ದಾರೆ.
