ನವದೆಹಲಿ: ಆದಾಯ ತೆರಿಗೆ ಪಾವತಿಸಲು ಕೇಂದ್ರಸರ್ಕಾರ ನೀಡಿದ್ದ ಗಡುವಿನ ಅವಧಿಯನ್ನು ಜುಲೈ 31 ರಿಂದ ಆಗಸ್ಟ್ 31ರವರೆಗೂ ವಿಸ್ತರಿಸಿದ್ದು, ತೆರಿಗೆ ಪಾವತಿದಾರರು ತುಸು ಉಸಿರಾಡುವಂತಾಗಿದೆ.ಆದಾಗ್ಯೂ, ಇದೇ ಮೊದಲ ಬಾರಿಗೆ ಆದಾಯ ತೆರಿಗೆ ರಿಟರ್ನ್ಸ್ ಫೈಲ್ ಮಾಡುವವರಿಗೆ ಇದು ದೊಡ್ಡ ಸಮಸ್ಯೆಯಾಗಿ ಕಾಣಲಿದೆ. ಅಂತಹವರು ಈ ಕೆಳಗಿನ ಅಂಶಗಳನ್ನು ಗಮನಿಸಬೇಕಾಗುತ್ತದೆ.
ಒಂದು ವೇಳೆ ನೀವು ಸಂಬಳ ಪಡೆಯುವ ನೌಕರರಾಗಿದ್ದರೆ ಆದಾಯ ಇಲ್ಲ ಎಂದೇ ಅರ್ಥ. ಸುಲಭವಾಗಿ ಪಾವತಿಸಬಹುದು. ಆದಾಯ ತೆರಿಗೆ ಇಲಾಖೆಯ ವೆಬ್ ಪೋರ್ಟಲ್ ಇ- ಪಿಲ್ಲಿಂಗ್ ನಲ್ಲಿ ಇ-ಮೇಲ್ ಐಡಿ, ಪೋನ್ ನಂಬರ್ ನೋಂದಣಿ ಮಾಡಿಕೊಳ್ಳಿ. ತಾಂತ್ರಿಕ ಸಮಸ್ಯೆಗಳ ಕಾರಣಗಳಿಂದ ಕೊನೆಯ ನಿಮಿಷಗಳಲ್ಲಿ ನೋಂದಣಿ ಮಾಡಿಕೊಳ್ಳುವುದನ್ನು ತಡೆಗಟ್ಟಿ.ಸರಿಯಾದ ದಾಖಲೆಗಳನ್ನು ತೆಗೆದುಕೊಳ್ಳಿ ಸಂಬಳ ಪಡೆಯುವ ನೌಕರರು ಪ್ಯಾನ್ ನಂಬರ್, ಹಾಗೂ ಉದ್ಯೋಗದಾತರು ನೀಡುವ ಫಾರಂ- 16 ಅಗತ್ಯವಿರುತ್ತದೆ. ಫಾರಂ -26 ರಿಂದ ಎಷ್ಟು ಮೊತ್ತದ ತೆರಿಗೆ ಕಟ್ ಆಗಿದೆ. ಬ್ಯಾಂಕಿನ ಹೇಳಿಕೆಯಿಂದ ತ್ರೈಮಾಸಿಕ ಆಧಾರದ ಮೇಲೆ ಬಡ್ಡಿಯ ಮೊತ್ತದ ಲೆಕ್ಕಾಚಾರವನ್ನು ಹೊಂದಿಸಬಹುದಾಗಿದೆ. ಒಂದು ವೇಳೆ ನೀವು ಷೇರು ಮಾರುಕಟ್ಟೆಯಲ್ಲಿ ವ್ಯಾಪಾರ ಹೊಂದಿದ್ದರೆ ಆದರ ಬಗ್ಗೆಯೂ ಹೇಳಿಕೆಯ ಅಗತ್ಯವಿರುತ್ತದೆ.ತೆರಿಗೆ ವಿನಾಯಿತಿ ಮುಂದಿನ ಹಂತ ನಿಮ್ಮ ತೆರಿಗೆ ವಿನಾಯಿತಿ ಲೆಕ್ಕಾಚಾರ. ಒಂದು ವೇಳೆ ನೀವು ಭವಿಷ್ಯನಿಧಿಯಲ್ಲಿ ಖಾತೆ ಹೊಂದಿದ್ದರೆ, ಮ್ಯೂಚುವಲ್ ಫಂಡ್ ನಲ್ಲಿ ಹೂಡಿಕೆ ಮಾಡಿದ್ದರೆ. ಯಾವುದೇ ಆರೋಗ್ಯ ಸಂಬಂಧಿತ ವಿಮೆ ಹೊಂದಿದ್ದರೆ. ಅಥವಾ ಜೀವ ವಿಮೆ ಪಾಲಿಸಿ ಯಲ್ಲಿ ನಿಮ್ಮ ಹೆಸರಿದ್ದರೆ ಸೆಕ್ಷನ್ 80 ಸಿ ಅಡಿಯಲ್ಲಿ ತೆರಿಗೆ ವಿನಾಯಿತಿ ಪಡೆದುಕೊಳ್ಳಬಹುದು. ಪಿಪಿಎಫ್. ಎನ್ ಎಸ್ ಸಿ, ಯುಎಲ್ ಐಪಿಎಸ್, ಇಎಲ್ ಎಸ್ ಎಸ್, ಎಲ್ ಐಸಿಯಲ್ಲಿ ಹೂಡಿಕೆ ಮಾಡಿರುವ ಎಲ್ಲರೂ ಸೆಕ್ಷನ್ 80 ಸಿ ಅಡಿಯಲ್ಲಿ ತೆರಿಗೆ ಕಡಿತಕ್ಕೆ ಅರ್ಹರು. ಈ ಸೆಕ್ಷನ್ ಅಡಿಯಲ್ಲಿ ಗರಿಷ್ಠ 1.5 ಲಕ್ಷದವರೆಗೂ ಕಡಿತ ಮೊತ್ತವನ್ನು ವಾಪಾಸ್ ಪಡೆದುಕೊಳ್ಳಬಹುದು. ನಿಮ್ಮ ಪೋಷಕರಿಗೆ ಆರೋಗ್ಯ ವಿಮೆ ಪಾಲಿಸಿದ್ದರೆ ಅದರಿಂದಲೂ ತೆರಿಗೆ ವಿನಾಯಿತಿ ದೊರಕಲಿದೆ.ಆರೋಗ್ಯ ವಿಮೆ ಮೇಲಿನ ಪ್ರೀಮಿಯಂ ಪಾವತಿಗೂ ತೆರಿಗೆಯಿಂದ ವಿನಾಯಿತಿ ದೊರಕಲಿದೆ. 60 ವರ್ಷಕ್ಕೂ ಮೇಲ್ಪಟ್ಟ ಹಿರಿಯ ನಾಗರಿಕರಿಗಾಗಿ ಪ್ರೀಮಿಯಂ ಪಾವತಿಗೆ ತೆರಿಗೆ ವಿನಾಯಿತಿಯನ್ನು 50 ಸಾವಿರ ರೂ. ಗೆ ಮಿತಿಗೊಳಿಸಲಾಗಿದೆ. ಆದಾಗ್ಯೂ, ಪೋಷಕರ ವಯಸ್ಸು 60 ವರ್ಷಕ್ಕಿಂತ ಕೆಳಗಿದ್ದರೆ, 25 ಸಾವಿರ ತೆರಿಗೆ ವಿನಾಯಿತಿ ಇರಲಿದೆ ಎಂದು ಕಂಪನಿಯೊಂದರ ಸಿಇಓ ಅರ್ಚಿತಾ ಗುಪ್ತಾ ತಿಳಿಸಿದ್ದಾರೆ.
